![]() | ![]() | ![]() ![]() | t Is mor n noam |
|
Roel Sanders.Verhoal.Jan AalbersJan Aalbers kon der ok wat van. Mit peerd en woagen pebeerde hai zien gelaanterie aan vraauw te brengen. Jan verkochde van alens en nog wat. Pannen, potten kopjes en schuddels, messen, lepels en vörken, laampen en as t zo oet kwam, wat aandre romtommelderij. Hakkemak en vegezak, om t mor es aans te zeggen. Zo haar dij maal Jan n zekere moal haand legd op n pertij doamesjurken. Joost mog waiten, woar e dij opdoan haar. Zokse meroakels haar dij goetjeboksem aalweg. 'n Löslopende hond vangt aaltied wat', was zien levensmotto. Haar aaltied en aiveg lag aan t gat hangen en verdainde mit zien streken meer as menneg aander. Sneu genogt, dat dit soort lu oet t stroatbeeld verdwenen binnen. Zie gaven teminzent nog wat kleur en fleur aan t alledoags bestoan. n Groot aantal zoakenlu hebben zodounde heur affeer n nije richten geven. Noadail veur klanten was wel, dat ze der nou zölf op oet mossen. Veurdail, dat ze nou n bult meer keur en vergliekensmaterioal haren. ![]() |
|
© 2000 - 2021 Dideldom.com | Biewaarkt: 08-04-2019 | - | Grunnegers veur elk. |