DideldomDe Grunneger vlaageGrunnen's Laidtop
Zuiken op Dideldom:
t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Aarmoudeg
 
armoedig
n Woord zuiken:

Bienoamen.

Ook wel schimpnoamen.

Inwoners van mennege ploats in pervìnzie Grunnen hebben n bienoam (dat ken n geuzennoam wezen, mor ook n scheldnoam), op dizze bladziede n overzicht.
As ie aanvullens of opmaarkens hebben of oetleggen kennen woarom of woardeur zo'n noam onstoan is, vul dat den even aan rechterkaant in t formeliertje in, bie veurboat dank.


Hollands Grunnegs Bienoam(en)
Adorp Oadörp Bierzoepers, Janneverzoepers

Aduard Auwerd Peerdevillers

Appingedam n Daam Peerdekopers, Vlinthippers
Harma van Nieuwpoort oet Delfziel schreef: "De damsters oet Daam nuimen wie Damster knollen. Ik wait nait woarom."
Johan Westers schreef: "Damster knollen betaikent dat ze altied knollen achter hakken haren."
Klaas Kuiper oet Delfziel schreef: "Over Damster knollen wait ik t volgende. n Daam is krekt n knol in hoos; van verof liekt t n vlek, mor as t der dichtbie bist din is t n gat."
Baflo Bavvelt Koarkroders, Koarschoevers

Bedum Beem Geutslikkers, Kreuskraben
Ina Lenting-Blok schreef ons: "Beemermelkzoepers, vanwege melkfabriek."
Beerta Beerte Knollentrekkers, Baarvekoppen
Marten F. Grupstra schreef ons: "n Beester wordt ook wel n Beesterboekou nuimd."
Bellingwolde Bennewolle Knollentrekkers

Bierum Baaierm Biertunnen, Goldpaanzen, Gortpinzen, Gortkorrels

Blijham Blijham Brijpinzen

Bourtange Boertang Haaideschoapen

Bronsveen Bronsveen Brommelboeren
Ben Doedens schreef: "De bewoners van t buurtschop Bronsveen bie Ol Pekel wuirden zo nuimd. Joarenlaank haren ze ook n wiekgebaauwtje, dat ook 'Brommelhörn' haitte. Kennelk was t gebied vrouger volgruid met brommelstroeken."
Delfzijl Delfziel Klokkedaiven, Strandjutters
Harma van Nieuwpoort oet Delfziel schreef: "Veur zover ik wait haiten wie in Delfziel, Delfzielster kraabers. Waarom precies wait ik nait, moar t zal wel met het daaiertje te moaken hebben dei hier in t woater zwemt."
Den Andel Naandel Törken, Poepen
Klaas Bol schreef ons: "Poepen, dat wazzen n stelletje roege en raauwe mensen dij op ain van de Deense aailanden woonden (900 na Christus). Zai wazzen in dainst van de Oostzeevoarders mor ook van de V.O.C.".
Martinus Kloosterman schreef ons: "Törken komt van n eerappelsoort dei doar vrouger n bult verbouwt wer. Zo heb ik t heurd."
Den Ham n Ham Zoepenbrijpinsen

De Wilp De Wilp Langbekken, Laankbekken

Doezum Doezum Doppers

Eenrum Ainrom Doodstekers, Witkoppen

Ekamp Aikamp Knollentrekkers

Enumatil Aimentil Schaifdokken
Verske;
Aimentil,
Doar kieken ze gril,
Doar is gain kerk of toren,
En as de twaalfuur snik aankomt,
Den blast de jong op t horen.
Eppenhuizen Eppenhoezen Blaauwhozen

Euvelgunne Euvelgun Katten

Ezinge Aizing Kouketers, Kouvreters

Farmsum Faarmsom Katten

Feerwerd Fiwwerd Kattevreters, Egyptenoaren
Wilto Groenendaal schreef ons: "Egyptenoaren is n oale noam veur zigeuners. Dizze luu wazzen nait zo gelaifd bie de zittende bevolking en wuiren noar oaflegen streken stuurd. De weg van t vrougere station Meeden/Muntendam noar Veendam hait het Egypenend."

Jan Uilenberg schreef ons: "Ik heb lezen dat n aarm gezin in n kôlle winter gain eten meer haar en zai de kat slacht hebben. Dat schandoal is oetkommen en vanòf dij tijd haiten de Feerwerders 'Katten-vreters'. Bron: Schimpnamen van Groningen door D. v/d Heide en J. Woldring


Finsterwolde Finnerwol Törken

Foxhol Foxhol Bosduvels

Garmerwolde Gaarmwol Röskammers

Garnwerd Garwerd Görtvreters

Garsthuizen Garsthoezen Roegkoppen

Glimmen Glimmen Tuten

Godlinze Glìnse Schoapedaarms

Grijpskerk Gruupskerk Smaalruggen

Groningen Stad Molbonen, Booneters, Kloarepruivers, Kouketers, Klokkedaiven
Doede Bruinsma schreef: "Luu oet Stad wórren ook wel "Tellerlikkers" nuimd. Op 't platteland wörren nog gain borden broekt, doar wör zo oet pot eten."

Ferdinand Oosterheert schreef: "Zo'n 4 of 5 honderd joar leden stolen de Grunnegers de klokken van Daam. Ze namen ze mit op slee over t ies en zakten de deur in Winneweer. Mit veul muite kregen ze slee weer op t ies en doarom nuimen ze t nouw 'Wie winnen weer'. k Wait nait of t woar is."

Fré Wiltjer schreef: "Stoupeschieters."


Grootegast Grodegast Woldjeprikkers

Haren Hoaren Knollen
Joh. E. G. Ruiter oet hoaren schreef: "De knollen (koolroapen) oet Hoaren wazzen beroemd. Zai wuiren oetvoerd noar Hamburg, Bremen en veul meer aander Duutse steden."

Henry Medendorp schreef: Ik heb aaltied heurd, 'knollebieters'.


Harkstede Haarstee Katten, Raitvinken

Hellum Helm Zaandkroepers

Holwierde Holwier Doofpotten, Teertunnen

Hoogezand Hogezaand Aangebraaide hozen, Boeskoolstronken

Hoogkerk Hoogkerk Mouskoolstronken

Hornhuizen Hörnhoezen Törken, Hounder

Houwerzijl Houwerziel Nazareners
Abel T. Huizinga oet Sarnia, Kannedoa schreef ons: "Houwerzielster bienoam is nait Nazarener mor Bokkediekers. Dorp Houwerziel nuimden ze wel Nazareth om dat ienwoners nog al conservatief wassen mor ons scheld- of bienoam was Bokkediekers. Wie melkten doar bok(ram) en dronken doar bokkemelk. Het was denk ik het achste wereldwonder. Ik ben geboren en opgruid ien Houwerziel en wait dus wel hou ze ons oetschollen vrouger."
Kantens Kannes Vlinthippers

Kloosterburen Kloosterboeren Stiefkoppen

Kommerzijl Kommerziel Spierens

Krewerd Kraiwerd Katten

Kropswolde Wolle Katten

Leek Leek Katten, Poerem

Leens Lains Boeskoolkoppen
Martinus Kloosterman schreef ons: "Dou ik noar ULO ging neumen wie Lainsters altied Lainster kuutschieters. Ik wai nait woarom."
Leermens Leerms Krombekken

Loppersum Loppersom Boeskolen
Limmy Oosterheert schreef ons: "Lopster Aalbeerns, Mien moeke hed heur haile leven leeft in Loppersum. Van heur heb ik t. Zai is geboren in 1914 en overleden in 1998."
Losdorp Lösdörp Doddels, Katten

Lutjegast Lutjegast Bekkesnieders

Lutjesaaksum Lutjesoaksem Nachtegoalen

Martenshoek Houk Katten

Marum Moarum Prikkeboenders

Meeden Maiden Aierleggers, Aierzuikers

Mensingeweer Menskeweer Gloazetikkers

Middelstum Middelsom Zweepboksems

Midwolda Midwolle Neuzebieters, Kraaikoppen

Muntendam Muntendam Kouvreters, Bezzembinders
Udo schreef ons: "Kouvreters, In de Franse tied zol der in Tussenklappen n kou veur de Patriotten slacht worden. De Muntendammers kregen der lucht van en veur de Patriotten aan de beurt waren, hadden lu oet Muntendam t baist al stolen. (oet Muntendam en de Muntendammers 1948)"

H. Venema-Kreps schreef ons: "Bie mien veurolders in Börkomnij is in 1870 in de ossenschure brand uutbroken. Veul ossen binnen verbraand en de reuk trok noar muntendam. Dij kwammen over de velden mit schaarpe messen en sneden stokken vlais uut de kedoavers. Volgens mien fam. Kreps, woar dat gebeurde, binnen ze zo aan heur noam kouvreters kommen."

n Ôl zegswieze; t Is n Muntendammer: hai het honger òf hai krigt honger. (red.)
Musselkanaal Muzzelknoal
Geert Spijker schreef ons: "Mien pleegvoader uut Valthermond bruukte dizze uutdrukking altied veur luu uut Musselkenaol, 'Knoalsters, lege lief en n overjas', umdat ze ook al hadden ze nait veul geld, zie hadden altied veul verbeeldens. Hai was van 1898."
Niebert Nijbert Prikkebuurders

Niehove Nijhoof Poepen

Nieuwe Pekela Nij Pekel Roegbainders, Pekelheerns
Doede Bruinsma schreef: "De Pekelders nuimen ze ook 'Bosberen'. Wie haren 't op de HBS op Knoal aaltied over 'Pekelbaisten'."
Nieuwolda t Hammerk Blauwgortvreters

Niezijl Nijziel Poepen, Katten

Noordbroek Noordbrouk Woddels, Woddelkoppen, Woddelboeren

Noordhorn Noordhörn Talholten, Kakkerlakken

Noordlaren Noordloaren Õzzen

Noordwijk Noordwiek Rötten

Nuis Nuus Prikjes, Prikkebuurders

Obergum Obergum Roodborstjes
Dizze bienoam wuir ons toustuurd deur Fokke Hop.
Oldehove Olhoof Kannewaskers

Onderdendam Onderndaam Peerdevillers
Klik hier veur de achtergrond van de bienoam Peerdevillers
Onnen Onnen Sompen, (Sompen = natte törven)

Onstwedde Onstwedde Diksteerten, Dikkoppen
Doede Bruinsma schreef: "Onstwedders haiten ook wel 'Bobbekoppen'."
Oosterhoogebrug Oosterhogebrug Poepen
Piet Knollema schreef ons: "Als old-Roeskerbrugger herinner ik mie nog het volgende riemke:
Oosterhogerbrugger poepen
lussen gain soepen
lussen gain melk
god, wat ben dei Ooosterhogebruggers lelk."

Oosternieland Nijlaand Klontjepikkers

Oostwold (Old.) Oostwol Kraaikoppen

Opende De Penne Peenjemannen

Oude Pekela Ol Pekel Roegbainers, Pekelheerns
Doede Bruinsma schreef: "De Pekelers nuimen ze ook 'Bosberen'. Wie haren 't op de HBS op Knoal aaltied over 'Pekelbaisten'."

J Kuiper schreef: "Roegbainers wuir veural veur de Boven Pekelders bruukt, woarom wait ik nait."


Pieterburen Paiterboeren Klep-in-nekken

Pieterzijl Pieterziel Potjebulen, Paddestoulen
Potjebulen binnen lu dij jeuzeln en joanen.
Raskwerd Raskerd Striekstokken, Katten
t Schient dat der vrouger in Raskerd nogal wat aan de striekstok hangen bleef.
Rottum Röppen Nunnen, Steernkiekers
Anne Aalders schreef ons: "Vrouger ston doar naost n Benedictijner mannenklooster ook n nonnenklooster, Bethlehem."

Steernkiekers binnen lu dij mit kop in de nek lopen (aigenwies dus).


Ruischerbrug Roeskerbrug Melkbekken
Piet Knollema schreef ons: "In Engelbert zong wie 65 joar leden: Roeskerbrugger katten, lopen op latten, lopen op spek, roeskerbrugger katten bennen gek."
Saaksum Soaksum Spekvreters

Saaksumhuizen Soaksumhoezen Gloazekiekers

Sauwerd Saauwerd Kouketers

Sappemeer Sapmeer Aanbraide hozen
Doede Bruinsma schreef: "Wedemannen en -vraauwen dij weer traauwen worden ook 'aanbraaide hozen' nuimd."
Scharmer Schaarmer Raaitvinken

Scheemda Scheemde Winhonden

Schildwolde Schewòl Kezekoppen

Sebaldeburen Seballeburen Oapedrillers

Sellingen Zèlng Zèlngersukerslikkers
Alie Peper oet Zèlng(?) schreef: "Gimmestieskverainen haitte SSS, zodounde."
Siddeburen Sibboeren Geelbainen
Sibboeren ligt op n zaandrug, bienoam zol t moaken hebben kinnen mit de dikke loage geel zaand dij dicht aan oppervlakte ligt (oet t "Schimpnamenboek van Nederland", schreven deur Dirk van der Heide en oetgeven deur Profiel in Beem).
Sint Annen Sint Annen Potjebulen, Paddestoulen
Mit paddestoulen worden lu beduild dij nait veul in de reken binnen.
Slochteren Slochter Gaanzeroppers
Willem Wollinga schreef: "Ik bin in Slochtern geboren, en door zeiden ze altied Slochterozevörrels."
Spijk Spiek Blaauwboksems

Piet Knollema oet Amsterdam schreef ons: Ik heb tiedens n bezuik aan Spiek bie t veur de zoveulste moal t carillon speulen heuren t volgende "gedicht" bedocht:
Klokkenspul speult elk ketaaier
Veur mens en daaier geliek
Tied vlugt in Spiek.


Stadskanaal Knoal Veentrappers

Stedum Steem Vlaigers, Stiefkoppen

Stitswerd Stivverd Brageltrappers

Ten Boer Ten Boer Dikkoppen

Ter Apel Troapel Kloosterwiekers

Reinder Meijer oet Troapel schreef ons: "Ik heb van mien schoonvoa en nog van andere mensen op leeftied heurt, dat zij eerder noar de 'Wieke' gingen en van aandern weer dat ze noar 'Klooster' gingen om lekker uut te goan. Vandoar misschien ook wel dat de Karnevalsverainen 'De Kloosterwiekers' haiten."


Ter Apelkanaal Troapelknoal Klontjebuurters

Helen Hofman, (coördinator Streekhistorisch Centrum op t Knoal), schreef ons: "Klontjebuurt komt van t faait dat men hier veul biemekoar op de kovvie ging en der dan n klontje (=kandij) in kreeg."

Jan Boekhoud schreef ons: "Vrouw Hofman schreef dat de Klontjebuurters een klontje in de kovvie kregen. Bie mien opoe in Musselknoal kreeg je hom nait in de kovvie moar stak je hom in de mond, en den de kovvie der langs spuilen."


Termunten Termunten Koudaiven, Panheerns

Thesinge Taisn Kouketers

Tinallinge Tinaalngn Klokluders

Tjuchem Tjuggem Torenmeters

Uithuizen Oethoezen Peerdevillers

Enno Postma schreef ons: "Oethoezen het gat vol loezen, goan der mit noar Zanneweer kriegen ie der nog veul meer, goan der mit noar Meij verzoepen wie ze ien zoepenbrij."


Uithuizermeeden Meij Kedelschieters

Ulrum Ollerom Vlintboksems

Usquert Oskerd Metworsten, Bekkesnieders
Marlies Groenewold schreef ons: "Blaaukoppen, zo werden wie altied nuimd deur n olle buurman van mien oma oet Beem. As wie heur bezochten, ruip hai ons bie wieze van grapje dizze noam tou. Woar t vandoan komt, wait ik nait moar ik heb t loater wel voaker heurd."
Veendam Veendam Woapendaiven, Klokkedaiven
Tooms Mulder oet Zuudbrouk schreef: "Veendammer Wind, Dat betaikent: Veendammers mainen dat ze beder binnen, as dat ze in waarkelkhaid binnen."

Doede Bruinsma schreef: "De Veendammers haiten ook wel 'Stobbendrieters' (drieten=schaiten) of 'Windhappers'.
De noamen 'preekstouldaiven' en 'woapendaiven' kommen hier vot: Dou snikke oet Stad kwam mit preekstoulen en gemaintewoapens veur Veendam en Wildervank, hebben Veendammers dij van Wildervank inpikt omreden dij mooier waren as dij zai zölf besteld haren."

Greeth den Bak-Suk schreef ons: "Veendammer Bonke Vreters, Mien Pa vertelde mie 50 joar leden dat Veendammers bonken zöchtn in t veld in omlegen ploatsen om n ekstroa sìnt te verdainen bie de knopenfebriek."


Vlagtwedde Vlagtwedde Diksteerten

Vriescheloo Vraiskelo Eerappeldobben, Eendekukens
Doede Bruinsma schreef: "De Vraiskeloërs worren ook 'Gaanzekukens' nuimd."
Wagenborgen Woagenbörgen Bremsters, Witmulen

Pieter Spithoff oet Woageningen schreef ons: "Woagenbörgen wuir ook wel t Nazareth van t Noorden nuimd. Ik bin geboren en getogen in Woagenbörgen en herinner mie nog wat spreuken;
Wagenborgers uitverkoren
zit vol met kosters en pastoren."


Warffum Waarvum Bloklichters

Harry Venhuizen schreef ons: "Het schient dat in t verleden t offerblok in de kerk leegstolen is."


Wedde Wedde Katten
Doede Bruinsma schreef: "Ik zag ook 'n scheldverske over Wedde:
Wedder katten
Lopen op latten,
Vangen moezen
In aandermans hoezen."

Wehe-DenHoorn Wij Peerdekoppen

Westeremden Westeremmen Vraauwlustelers

Westerlee Westerlij Klokkeluders

Westernieland Nijlaand Klaaikloeten

Wetsinge Wetsen Katten

Winschoten Winschoot Tellerlikkers, Sodemers
Doede Bruinsma schreef: "Luu oet Winschoot wörren "Tellerlikkers" nuimd omreden op 't platteland wörren nog gain borden broekt, doar wör zo oet pot eten."
Winsum Winzum Gladhakken, Ledderdroagers

Wirdum Wirdum Kouketers

Woldendorp Woldendörp Woldmannen

Wolfsbarge Baarge Motten

Woltersum Woltersom Egyptenoaren

Zandeweer Zanneweer Eerappelruders

t Zandt t Zaand Handstokken
Grietje v.d.Ploeg oet t Zaand schreef: "Hail vrouger toun achter Glinzer Ol diek nog woater was gingen veul dikke hereboeren zundags een loopke moaken noar de kwelders. Zai nammen din veur wat steun ien slik en bragel ain handstok mit. Glinzers zagen heur din lopen en zai zeden din tegen mekoar: Kiek, doar hemmen joe de 't Zaandtster handstokken weer !"
Zevenhuizen Zeuvenhuzen Turfstekers, Bageltrappers

Zijldijk Zieldiek Peperkoppen, Duvels

Zoutkamp Zoltkamp Schelleviskoppen, Vlintboksems

Zuidhorn Zuudhörn Katten, Wiendhappers

Zuidwolde Zuudwòl Zuurkoolvreters, Boeskoolvreters
Ginus Kruize schreef ons: "Boeskoolvreters, omdat der in de omgeving van Zuudwól veul witte kool wer verbaauwd wuir de bienoam 'Boeskoolvreters' veul broekt."

Zoas ook bovenaan dizze bladziede al staait, as ie op- of aanmaarkens hebben, of n aanvullen geven kennen, n endje noar boven staait aan rechterkaant n formeliertje...

Veul verkloarens van bienoamen stoan in t "Schimpnamenboek van Nederland", schreven deur Dirk van der Heide en oetgeven deur Profiel in Beem in 1998.


Nog meer?
As ie nog bienoamen waiten dij nog nait op dizze bladziede stoan, den zol t hail mooi weden as ie ons dat eefkes waiten loaten.
Woarom?
Om dit overzicht zo oetgebraaid meugelk te kriegen.
Toulichten?
Joa, as ie waiten woardeur n bienoam ontstoan is kenje dat hieronder invullen.
Bienoamen
n'Bienoam dij der nog nait bie staait, of woar ie wat meer informoatie over geven kennen.
© 2000 - 2017 Dideldom.comBiewaarkt: 29-09-2017 - Grunnegers veur elk.