DideldomDe Grunneger vlaageGrunnen's Laidtop
Zuiken op Dideldom:
t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Hai is mit schik nait vot west
 
hij is nauwelijks buiten de deur geweest
n Woord zuiken:

Grunneger Laidjes.

Olle en nait zo olle laidjes.

Kenje dat, der spoukt joe n laidje deur d'kop mor ie waiten nait meer hou t wieder was?
Meschien staait e hieronder.


Wel gaait mit oet rieden

Wel gaait mit oet rieden
Noar Lammert Ieden
Dou ik doar bie Lammert Ieden kwam
Waistoe wat ik dou vernam
Bonte kou bie t vuur en spon
kaalfke lag in waig en zong
Hondje kaarnde botter
De vleermoes dij veegde t hoes
Zwaalfkes drougen t mot oet hoes
Op d'r leutje vleugeltjes
Binnen dat gain dikke leugentjes?

Instuurd deur Nelleke Boonstra oet Deventer


Jampie zat op schösstain.

Jampie zat op schösstain.
Rookte ain piep tabak.
Doar kwam ain hail mooi wichie aan.
Wichie wolst doe vrijen.
Vrij doe din mit mie.
Ik heb nog n hail mooi stuvertje,
dij krigst doe din van mie.

Instuurd deur John Blik, Melbourne, Austroalië


Vot vot vot mien peerdje

Vot vot vot mien peerdje
Baintjes doun mie zeertje
Gefst mie hoaver
Zel k die droagen
Gefst mie kaf
Den gooi k die dr'af.

Instuurd deur J. Lenting oet Helm, dij schreef der bie:
Dit zong mien opa altied veur mie as ik bie hom op schoot zat.


Handjes kold en voutjes kold

Handjes kold en voutjes kold
Dat dut mie gain wonder;
Trek dien hooskes en schoukes moar oet
En kroep moar bie mie onder.


Hop mien peerdje

Hop mien peerdje rie noar de meulen
hoal mie meel doar heer,
hoalst mie hoaver den wil ik die droagen,
moar hoalst mie kaf
den smiet ik die deraf.

Instuurd deur: Aly Kingma-Westerman.


Menno's Peerdje

Menno luit zien peerdje besloagen,
luip over hoge baargen en doalen,
hoge baargen glip en glad,
dou vuil Menno mit peerdje op gat.

Instuurd deur: Evelien Grashuis


Sniklaidje

Mot der nog wat mit juffrouw, mit juffrouw, mit juffrouw.
Mot dr nog wat mit juffouw.
Snikke gaait noar Stad.
Heur ie dat? Heur ie dat? Snikke gaait noar Stad, ja Stad
Heur ie dat? Heur ie dat? Snikke gaait noar Stad.

Moetje is de kovvie kloar, kovvie kloar, kovvie kloar.
t Volk in de snikke wacht er noar.
Snikke komt van Stad.
Hai het n laange raaize doan en nog gain kovvie ha-ha-had,
Hai het n laange raaize doan en nog gain kovvie had.

Instuurd deur: Nienke Westerhuis


Zegebok

Onze leutje jonkjeman dai haar gain peerd,
Dou kreeg e n dikke zegebok en ree doar mit,
Hiervandoan noar opoes hoes en dou weerom,
Hiervandoan noar opoes hoes en dou weerom!
Och wat is dij zegebok ja schaif en krom.

Instuurd deur: Nienke Westerhuis

Leste regel kwam der bie van: Aly Kingma, zo haar zai hom van heur opa leerd.


Anne poeze nelleke Anne poeze nelleke

Anne poeze nelleke
doe hest verbraand dien velleke
ik heb nog in mien loadje
ain naaldje en ain droadje
en nog ain stukje poezevel
woar ik dien velleke mit verstel.

Instuurd deur: Abel Tempel


Ruur, ruur, mien kindje

Ruur, ruur, mien kindje,
Pappaan staait in 't spindje;
Mouder wat is de maaid toch dom,
Zai smit de haile pappaan om.


Dou 'k jonk was (man)

Dou 'k jonk was en pronk was,
Wat vìnt was ik dou!
'k Haar strikken bie bainen
En gapsen op schou.
Moar nou k òld bin en kòld bin,
Wat man bin ik nou,
k Heb flonten bie bainen
En goaten in schou

Dou 'k jonk was (vraauw)

Dou 'k jonk was en blond was,
Wat maaid was ik dou!
'k Druig jakjes mit kroagjes
En strikjes op schou.
Mor nou 'k òld bin en traauwd bin,
Wat wief bin ik nou:
'k Droag hakken deur hozen
En elbogen deur maauw.


Mien mouder dij wol spinnen

Mien mouder dij wol spinnen,
Mor t rad wol nait goan,
n Dubbelmoatje eulie
Heb ik ter op verdoan.


t Peerd van Ome Loeks

t Peerd van Ome Loeks is dood,
Loeks is dood, Loeks is dood;
t Peerd van Ome Loeks is dood,
hailemoal dood!
Guster nog goud gezond,
Draaide mit steert in t rond;
t Peerd van Ome Loeks is dood,
Hailemoal dood!
Haar k hom moar vreten geven,
Waas e nog ien leven bleven.
t Peerd van Ome Loeks is dood,
Hailemoal dood!

Lees hier meer over Ome Loeks


Oet is t laid

Oet is t laid, is niks meer aan,
Traauw doe mit gain timmerman,
Traauw doe mor mit n bezzembinder,
Din krigst doe n hòk vol kinder!


Aale laidjes;


Mooi nait?
As ie nait meer waiten hou dat laidje ook nog mor gong den kinnen ie nou weer voloet zingen...
Woarom?
As ie zingen zit je nait te neulen!
Nog meer?
Meschien wel, binnen ja nog wel meer laidjes dij ie nait hailmoal meer kennen.
As ie vroagen hebben den loat je dat mor
even waiten.
Grunneger Laidjes
© 2000 - 2017 Dideldom.comBiewaarkt: 15-05-2015Bezuikers: Grunnegers veur elk.