Mopkes.

Domie het kiender om zich hèn veur in kerke. Hai legt t avondmoal oet en geft ieder kind n veureltje brood om op te eten.
"Voelen jullie je nou ook dichter bij God", vragt domie.
Jampie kiekt hom aan mit zien schitterende ogies. "Nee, domie, moar as der nou wat hoagelslag op zat, ging t vast beter."

Instuurd deur: Herman de Jong

Hinnerk komt bie zien spiegioater.
Spiegioater: "Taiken ais n boom."
Hinnerk: "Mouten ie pizzen den?"

n Rieke mevraauw in Winschoot is haildaal oet stuur omreden Fluffy, heur hondje, is oet tied kommen.
Zai zöcht t adres van n Geriffemeerde Kerk op en klopt bie domie aan.
Zai vragt: "Hebben ie ook begravvenisdainsten veur daaier? k Wol mien hondje geern fesounlek begroaven."
Domie: "Nee, dat doun wie hier nait, heur. Perbaaier mor even bie de Broedergemainte in Laangestroat, hier vlak bie."
Mevraauw: "Da's goud. Mor veur ik doar hén stap, kennen ie mie ook zeggen wat n domie veur zo'n dainst hebben mout. Zol t veur 500 euro kennen, of zol t meer weden?"
Domie: "Och kom der toch even in. Ik wis ja nait dat Fluffy n Geriffemeerd hondje was."

Instuurd deur: Sense de Jonge

Eppo komt kroug binnen, hai stroalt der over: "Mien zuster is bevaaln van n jonkje, nou bin ik oom Eppo."
Tammo vragt: "Hou swoar was e?"
Eppo: "Vaaier pond en twij onze."
Tammo: "Da's nait slim swoar."
Eppo: "Nee, mor dat ken ook nait, zai is ook nog mor twij week traauwd."