DideldomDe Grunneger vlaageGrunnen's Laidtop
Zuiken op Dideldom:
t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Kennen ie hom?
 
kent u hem?
n Woord zuiken:

Grunneger Laidjes.


Jonges en wichter.

Wichter, jong, dat is zok oareg goudje,
En doar mot je wel van hôllen, joa, dat mout je.
Zo zuver,
Zo nuver,
Al hebben z'ook gain dubbeltje, gain stuver.
Wichter, jong, dat is zok oareg goudje,
En doar mot je wel noa viskern, joa, dat mout je.
En in minder as gain tied,
Zel ie zain, den heb ie biet,
En ie lopen nog zo haile gauw gain blauwtje.

Refraain: Jonges, zo allaine, och wat zol ie den?
Baange veur de foeke? Jà, wat wol ie den?
Aaltied aan ellende?
- Niks, heur, as ellende!
Main ie, dat dat aalmoal zo moar ken?
Jonges, zo allaine, och wat zol ie den?
Baange veur de foeke? Jà, wat wol ie den?
Aaltied aan ellende?
- Niks, heur, as ellende!
En .... woar mouten aal dij wichter hén?

Wichter, jong, dat is zok oareg goudje,
En doar mot je wel van hôllen, joa, dat mout je.
Is t bakvis,
Is t broadvis,
As t moar helder, jong, en zuver op de groat is!
Wichter, jong, dat is zok oareg goudje,
Moar oet ogen kieken, jonges, joa, dat mout je:
Of het wit- of goldvis is,
En gain leng of stokvis is,
Want dat uutgedreugde tuug, jong, dat berouwt je!

Refraain.

Wichter, jong, dat is zok oareg goudje,
En dij mot ie ja wel nemen, joa, dat mout je.
Hou wol dat,
Hou zol dat,
As elk wichie hail heur leven cellulair zat?
Wichter! Jonges! Wor gain ò11e kroaker.
En dat zai ie nou hou laanger en hou voaker.
En woar kom wie den te laand
Mit de börgerlieke staand?
En wat mouten sokkertwijbak den en boaker?

Refraain.

Tekst: Geert Teis Pzn.


Aale laidjes;


Mooi nait?
As ie nait meer waiten hou dat laidje ook nog mor gong den kinnen ie nou weer voloet zingen...
Woarom?
As ie zingen zit je nait te neulen!
Nog meer?
Meschien wel, binnen ja nog wel meer laidjes dij ie nait hailmoal meer kennen.
As ie vroagen hebben den loat je dat mor
even waiten.
Grunneger Laidjes
© 2000 - Dideldom.comBiewaarkt: 28-07-2009Bezuikers: Grunnegers veur elk.