![]() | ![]() | ![]() ![]() | t Is mor n noam |
|
Roel Sanders.Verhoal.Alles mit moateWel in zien jonkhaid gain schulden het, zel bie older vervast gain plunnen hebben, zee mien voader zoaleger aaltied. Man wis woar e over pruit. As jongkerel het e bie zien traauwen t spul van zien ol heer overnomen. Mit kunst en nog meer vlaigwaark wis e kop boven woater te holden. As zien olden hom nait wat in muit komen wazzen, haar e t aans nait redt. In zien vattegste levensjoar haar e zoaken nuver op odder. Nait dat e riek was, mor lutje ploatse was zien wetteg en overvrömboar aigendom. Haar zien oetsproak zo woarmoakt. k Woag te betwiefeln, dat kinder tegenswoardeg wel wat aal te makkelk mit dizze oetsproak omgoan. Steken haals bie toeren zodoaneg in stroppe, dat ze heur sikkom aan heur jacht noar riekdom of welvoart ophangen. Zie kregen indertied n pongel geld van spoarbaank, paartieds nog meer zoveul as neudeg was, mor vergaten doarbie, dat er ok wel n moal slimmere tieden komen konnen. Noa leste kripsie zitten n bult lu mit haanden in t hoar, wollen dat meschain dommegeern oetrieten as t heur helpen kön. t Taimke van mien voader mag doezendmoal woar wezen, mor ok hierzoot geldt : "Alles mit moate!" en doarmit bedoul k nait snieder dij t aanszins broekde en t wief mit ellestok om liek sluig. ![]() |
|
© 2000 - 2021 Dideldom.com | Biewaarkt: 08-04-2019 | - | Grunnegers veur elk. |