DideldomDe Grunneger vlaageGrunnen's Laidtop
Zuiken op Dideldom:
t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Groetjen
 
slecht wassen
n Woord zuiken:

Dag van de Grunneger Geschiedenis.

Zotterdag 17 oktober 2009, 11.00 - 17.00 uur.

Klik op de foto's veur vergroten.


In t gebaauw van de Grunneger Archieven, aan t Cascadeplaain in Stad, was zotterdag 17 oktober 2009 veur de drijentwintegste moal de 'Dag van de Grunneger Geschiedenis'. t Themoa dit joar was 'Oorlog en Vrede'.

Open

Om elf uur wuir de opening doan deur Carel Rabenhaupt, de man dij de Grunnegers huilp zuk te verzetten tegen Bernhard von Galen tiedens t beleg van Stad in 1672.
t Lösloaten van de 'vredesdoeven' haar wat vouten in oarde, doeven wollen nait recht tou hok oet...

Andrew Sisters

Op n Jeep kwammen de 'Andrew Sisters' aanvlaigen, Henkie Scholte, huilp ze bie t oetstappen, ofschoon dat hail nait zo neudeg was, wichter wazzen zo vereg as jonkgoud..

Appels, Povvertjes, Militaire Raive. Helperlinie

De Noordelijke Pomologische Verainen was der, de povvertjeskroam ook, militaire raive van t Museum Canadian Allied Forces oet Stad, ze stonnen aalmoal boeten in de zunne.

Ie konnen mit bus van Damster Autobus Maatschappij aan raais noar Helperlinie, doar wuir n stuk van lopen mit oetleg der bie.

Protestlaiden

Protestlaiden heuren vanzulfs ook bie 'Oorlog en Vrede'.

Lezens, rechtzoak.

Lezens wazzen der dit joar over Kolonel Thomson, Genealogies onderzuik, Vraise vrijhaid, Engelse Kamp, Affiches, de tiendoagse veldtocht en over meulens dij draaiden veur de Prins.
Wat wie slim mist hebben was de rechtzoak zoas dij leste joaren der was.

Boukenmaarkt

Boukenmaarkt was der as elk joar, mor wel wat klaainer.

Demonstroatsies restauroatietechnieken, infermoatsie

Ambachtluu luiten zain hou zai waarken. In de sudiezoal wazzen net as aander joaren weer veul organisoatsies woar ie vanalles gewoar worden konnen over vanalles.

S-5

Op podium in hal ruip 'S-5' de dainstkeuren weer in t leven, t gong der heer as was t oorlog.

De kwis

De Grunneger Geschiedeniskwis gong weer mit 'petje op petje òf', dailnemers konnen oet twij antwoorden kaizen, veur d'ain deden je pet op, veur aander petje òf. Reinder Smith presentaaierde t mit petje op. Bie eerste vroag vuilen der al hail wat of. Timo van Ee (n Amsterdammer !!!) het t wonnen, hai kreeg twijhonderdviefteg euro oetlaangt. Grunnegers geef toch wat meer acht! Dit mag toch nait weer veurkommen!

Der was nog veul meer.. Ditmoal wat meer foto's en zulfs n poar filmkes. Ik kon weer nait overaal weden.

Jacob Nijboer

| Dag van de Grunneger Geschiedenis 2003 | Dag van de Grunneger Geschiedenis 2004 | Dag van de Grunneger Geschiedenis 2005 | Dag van de Grunneger Geschiedenis 2006 | Dag van de Grunneger Geschiedenis 2007 | Dag van de Grunneger Geschiedenis 2008 | Dag van de Grunneger Geschiedenis 2009 | Dag van de Grunneger Geschiedenis 2010 |


Ie wozzen t al?
Dat dut niks, den huifje t nait lezen.

Ie wozzen t nait?
Den kenje joen veurdaail der mit doun.

informoatsie
© 2000 - 2017 Dideldom.comBiewaarkt: 04-01-2016Bezuikers: Grunnegers veur elk.