DideldomDe Grunneger vlaageGrunnen's Laidtop
Zuiken op Dideldom:
t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Stukkend
 
kapot
n Woord zuiken:

Dag van de Grunneger Geschiedenis.

Zotterdag 13 oktober 2007, 11.00 - 17.00 uur.


In t gebaauw van de Grunneger Archieven, aan t Cascadeplaain in Stad, was zotterdag 13 oktober 2007 veur de aintwintegste moal de 'Dag van de Grunneger Geschiedenis'. t Themoa dit joar was 'Wonen'.

Open

Eddy de Jonge opende de dag om elf uur.
Doarnoa knapde de 'Bond tegen Harries' deur de hal mit n spesioal veur dizze dag schreven nummer (ik zag lu mit vingers in oren...).

Hoeske, boomke, baiske

De Noordelijke Pomologische Verainen kon joe alles vertellen over joen appelboom (ie konnen n appel oet joen aigen toen mit nemen). Ie konnen ook Grunnegs fruit pruiven en n fruitboomke kopen.
Der wazzen ook twij Grunneger bloarkoppen.

Kinderaktiviteit 't Laand van doar'.

In de ketine op 1e verdaipen wazzen der spesioal veur kinder van drij tot acht joar optredens van theoaterploug Marikesj.

Theoaterveurstellen 'Wonen in n gasthoes'.

Op podium in hal wuiren bewoners van t gasthoes welkom haiten in n veurstellen van Theo de Groot, Wilt Stel en Jan Glas.

Tentoonstellen 'Biezundere stoulen oet t Grunneger Museum'.

Olle stoulen om noar te kieken, mor ie moggen der nait op zitten.

Foto-ekspositie Grunneger hoeskoamers

Interieurfoto's oet de Post Middendorpcollectie.

TV-Noord programma 'De onderste stain'.

n Kiekje achter de schaarmen bie t RTV Noord-programma 'De onderste stain'. Mit toulichten van programmamoaker Perrie Hoekstra.

Archiefrechtbank

Rechtzoaken oet laankmanstied kwammen vannijs veur de rechter en t pebliek kon heur oordail geven. Der was begun veurege aiw n verschil van mainen tussen old-schoolmeester Sikkemoa en gemainte Baaierm over achterstallege betoalen van nait genoten woonroemte... Pebliek haar in meerderhaid n aander mainen as de oetsproek van doudestieds, in hoger beroup wuir t den toch nog zo as t pebliek der over docht.

Koninklijk Poppenhoes

Stad het ooit n poppenhoes aan keunegin Wilhelminoa geven in de vörm van t stadhoes. Dou ze groot was het ze t weerom geven aan Stad.

Boukenmaarkt

Op de boukenmaarkt konnen ie bie de boekhandeloaren te keur goan.

'Herrie in de verhuuswoagen'.

Verhuuswoagen ston boeten, der wuiren akoestische meziekoptredens doan deur verschillende Grunnegstoalege artiesten.

Lezens

Socioale wonenbaauw in Stad, deur Ypke Gietema en Niek Verdonk.

Wonen op Rottumeroog, deur Wiepke Toxopeus.

t Belang van theedrinken in hoeselke kring, deur Friedemann Rast.

Grunneger hoesinterieurs in de 17e en 18e aiw, deur Johan de Haan.

Demonstroatsies restauroatietechnieken

n Meubelmaker, stoffeerder, zilver- en goldsmid, glas in loodmoaker, dekoroatieschilder en n moaker van verguldwaark en pepierstucornamenten gaven demonstroaties van heur restauroatiewaark.

Povvertjeskroam

Der was n kroam mit meroakels lekkere povvertjes.

De kwis

Traditiegetraauw was de Grunneger Geschiedeniskwis, presentaaierd deur Reinder Smith (RTV Noord), de òfsloeten van de dag. Niemeijer wuir daarde, Reinders twijde en van Straaten het dit joar wonnen.

Net as veurgoande joaren kon ik weer nait alles op petret zetten...
Net as vleden joar was t om even veur vief uur doan.

Jacob Nijboer

| Dag van de Grunneger Geschiedenis 2003 | Dag van de Grunneger Geschiedenis 2004 | Dag van de Grunneger Geschiedenis 2005 | Dag van de Grunneger Geschiedenis 2006 | Dag van de Grunneger Geschiedenis 2007 | Dag van de Grunneger Geschiedenis 2008 | Dag van de Grunneger Geschiedenis 2009 | Dag van de Grunneger Geschiedenis 2010 |


Ie wozzen t al?
Dat dut niks, den huifje t nait lezen.

Ie wozzen t nait?
Den kenje joen veurdaail der mit doun.

informoatsie
© 2000 - 2017 Dideldom.comBiewaarkt: 04-01-2016Bezuikers: Grunnegers veur elk.