DideldomDe Grunneger vlaageGrunnen's Laidtop
Zuiken op Dideldom:
t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Setien
 
satijn
n Woord zuiken:

Dag van de Grunneger Geschiedenis.


In t gebaauw van de Grunneger Archieven, aan t Cascadeplaain in Stad, was zotterdag 8 november 2003 de 'Dag van de Grunneger Geschiedenis'.

t Themoa dit joar was 'Pruiven van Geschiedenis', dat kon zowel letterliek as figuurliek.

De mitwaarkers van Waddenproducten en t Compagniester Banket zörgende veur de inwendige mens, waarbie elk Grunneger streekprodukten pruiven, kopen en ter ploatse nuttegen kon. t Was zo drok bie d'eterij dat der gain foto van te moaken was (wel van de drokte mor nait van eterij).

Dij der was wait der van, dij der nait was het verhoalen mit beeld en geluud, kompjoeteranimoatsies, bodemvondsten, toalkurzus, theoater, meziek en wat nait aal, mist.

Der wazzen hail wat luu dij in n uur tied de fiene kneepkes van t Grunnegs leren wollen, Eltje Doddema zien 'Broeskurzussen Grunnegs' trokken n baarg volk, ze mozzen der zulfs bie stoan.

Hieronder n poar ploatjes veur dij der was en dij der nait was.

n Bult volk
Der was n bult volk, t was hail schier om der maank te wezen en deur aal t oetstalde te strunen. Der wazzen n bult bliede gezichten. Dat mout organisoatsie goud doun.
Vermaeckgroep Slag ende Stoot
'Vermaeckgroep Slag ende Stoot' brocht Middelaiwse meziek.
Spektoakel
n Gezelschop van in Middelaiws kostuum stoken akteurs van 'Middelaiw Appèl' oet Troapel zörde de haile dag veur n deurlopend spektoakel.
'Korenbeurs' van LEGO
De meroakel schiere, op schoal noabaauwde, 'Korenbeurs' van LEGO. Woar op t ploatje nog de leste haand aan legt wordt.
'Korenbeurs' van LEGO
En om dat e zo schier is, nog n ploatje der van.
Bekende Grunnegers
Bekende Grunnegers luipen zo mor maank t volk.
Zaik en zwak
Nait aal t volk was gelieke goud te pas, dizzent wazzen der min aan tou.
Genog te lezen
Der was genog te lezen, ploatjes kieken kon ook.
Henk Scholte
Henk Scholte was aan ploatjes moaken, veur t archief.

Jacob Nijboer

| Dag van de Grunneger Geschiedenis 2003 | Dag van de Grunneger Geschiedenis 2004 | Dag van de Grunneger Geschiedenis 2005 | Dag van de Grunneger Geschiedenis 2006 | Dag van de Grunneger Geschiedenis 2007 | Dag van de Grunneger Geschiedenis 2008 | Dag van de Grunneger Geschiedenis 2009 | Dag van de Grunneger Geschiedenis 2010 |


Ie wozzen t al?
Dat dut niks, den huifje t nait lezen.

Ie wozzen t nait?
Den kenje joen veurdaail der mit doun.

informoatsie
© 2000 - 2017 Dideldom.comBiewaarkt: 04-01-2016Bezuikers: Grunnegers veur elk.