Voadertje Tied
d' Olle man schoevelde langzoam veuroet. "Och, och" zuchtte hai, "wat goat de tied snel. 'k Heb de boksem nog nait goud dreuge en 't joar zit er al weer op."
Elk joar was het hetzulfde: op de eerste dag van 't joar kroop 'e in zien pisdouk over grond as 'n krekt geboorn lutje jong en noa 365 doagen luip 'e krom as 'n houpeltje.
Ie begriepen 't aal, hai was Voadertje Tied.
De eerste weken was nog te doun; hai huppelde wat en roasde mit geweld deur de wereld en docht dat 'e alles wel aankon. Moar tegen tied dat 't zummer was, was 't al bedudend minder en zo gaauw as Sunnerkloas 't laand oet was, vuilde hai dat 't bienoa oflopen was.
Ankommend joar wil 'k et toch aans doun, docht 'e. Nait votdoadelek zo haard lopen, moar eerst wat kadde oet boom kieken en den bin ik an 't end van 't joar meschain nog wat fiereg.
Moar hou langzoam ie ook an doun, tied goat toch gewoon wieder in zien aigen ritme en an 't ende is 'et 't zulfde as altied. Doar is gain ontkommen an.
Dus mensen: Dou gewoon wat joe denken dat je doun mouten en in joen aigen gevuil van tied, want 't ende komt toch wel zo as 't in de steerns beschreevn stoat.
|
