![]() | ![]() | ![]() ![]() | t Is mor n noam |
|
Evert Diekhoes.Verhoaltje (Plaazerij zegt Evert zulf).Vrouger. "Evert", zee Gezinoa, "kenst doe mie wel even n stoede bie van Dam vothoalen". Doar was ik nait wies mit, deur dij kôlle noar t loug was gain oareghaid. T was winter, dik winter, zo slim winter haar t ja nog nooit west, bie Troapel haaren ze al pinguins zain. Ik kreeg fietse achter tou schuure oet en ging der lopend mit noar t stroade tou, dou zag k Haarm Jans aankommen mit peerd en woagen. Hai huil ho bie mie en vruig: "Woar moust doe hén". "Noar van Dam, stoede hoalen", zee ik. "Kerel man, dat komt ja mooi oet, doar het mien Geertje mie ook veur op pad stuurd, stap mor op". Bliekboar waren der meer vraauwlu dij dochten dat van Dam nait venten zol mit dit weer. Gezinoa en Geertje haren t goud bekeken, anderdoags lag der nog veul meer snei en was der hailemoal gain deurkommen meer aan.
|
|
© 2000 - 2022 Dideldom.com | Biewaarkt: 06-07-2021 | Grunnegers veur elk. |