DideldomDe Grunneger vlaageGrunnen's Laidtop
Zuiken op Dideldom:
t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Kweek
 
onkruid
n Woord zuiken:


Tammo.
Zörg dat joen leven de muite weerd is om aan joen klaainkiender te vertellen.

Mopkes.

Grunnegers hebben ook humor...

Op dizze bladziede n poar mopkes, redaksie kreeg der aal mor weer vroagen noar, ie vroagen en wie braaien...

Aal week komt der ain bie en gaait der ain òf.


Pappegoai

n Vraauw dij slim ainzoam was kocht n pappegoai in n daaiernwinkel, mit n kooi derbie, winkelman gaf heur gerantsie dat pappegoai pruit.
Noa drij doagen kwam vraauw weerom in daaiernwinkel: "Pappegoai wil nait proaten!"
Winkelman: "Hebben ie hom ook n spaigeltje kocht?"
Vraauw: "Nee."
Winkelman: "Elke pappegoai mout n spaigeltje hebben!"
Vraauw kocht n spaigeltje.
n Week loater komt vraauw weer in daaiernwinkel: "Pappegoai proat nog aal nait!"
Winkelman: "Hebben ie hom ook n leddertje kocht?"
Vraauw: "Nee, mout dat din?"
Winkelman: "n Pappegoai mout n leddertje hebben!"
Vraauw kocht n leddertje.
n Week loater komt vraauw weer: "Pappegoai het nog aal niks zegt!"
Winkelman: "Hebben ie hom ook n schommel kocht?"
Vraauw: "Nee."
Winkelman: "n Pappegoai mout schommeln kennen!"
Vraauw kocht n schommeltje.
Drij doagen loater komt vraauw weer in daaiernwinkel.
Winkelman vragt: "Hou is t mit joen pappegoai?"
Vraauw: "Nait goud, hai is dood!"
Winkelman: "Och, dat is ja vreselk. Zee e nog wat veur dat e doodging?"
Vraauw: "Joa!"
Winkelman: "Wat zee e din?"
"Verkopen ze in dij daaiernwinkel gain pappegoaievreten?"

Streepke

Vaarven

Eppo is dakgeude aan t vaarven, hai komt iederbod omdele van d ledder of en stipt bözzel in vaarfpot dij op grond staait, gaait weer bie ledder op, vaarft, komt weer omdele.
Hinderk komt op fietse langes en zigt wat zuk òfspeult.
"Woarom nemst dij vaarfpot nait mit noar boven?" vragt e
"Dat ken nait", zegt Eppo, "t is grondvaarve!"

Streepke

Mor haalf

Eppo komt bie dokter.
Eppo: "Dokter ik heur mor haalf."
Dokter: "Dat zellen wie ais testen. Zeg mie noa wat ik zeg."
Dokter: "Zesnzesteg."
Eppo: "Drijendaarteg."

Streepke

Thoeszörg

De thoeszörg is goud regeld.
Moeke van viefenzeuventeg wordt veur t eerst wassen deur n nije mitwaarkster.
Zai begunt mit kop, den aarms, den t lichoam..., den vragt t wichtje "De braivenbus ook?"
Och zegt moeke "Dat huift nait, ik heb al daarteg joar gain post meer had..."

Instuurd deur: Marten Dijk

Streepke


Te grof?
Nee toch, redaksie het der op toukeken dat t nait te gek wuir.

Nog meer?
Nee, t blieven der vaaier.

Woarom?
t Mout nait te gek worden.


© 2000 - 2021 Dideldom.comBiewaarkt: 10-04-2019Grunnegers veur elk.