DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Liekoet
 
rechtuit

Harry van Velsen.

Verhoal.

| Bidstand | Swaart en jong | Ien daainst | Pabbe en moeke |


Pabbe en moeke

Zai dainde bie hom
hai haar n winkel ien dörp, krudenier
- zien vrouw was zwoar zaik, tb -
zai kropen bie nkanner ien bér
ien n koamerke
noast dat van zaike vrouw.

Zaike vrouw ging dood

Zai bleef bie hom
zai traauwden binnen n haalf joar.

t Was aan t end van oorlogstied
t dörp zo luddek
dat n Duutser meer of minner
- zai kwam immers oet Duutslaand -
nait veul oetmauk.

t Haile dörp was zowat gerefermeerd
- koksjoan -
mozzen dus hun vijanden laif hebben
zee domie teminste.

Noa t eerste kiend, n wichje
kwam n veendje
loater nog n wichje.

Femilie deursnee
mit gerefermeerde kerk as middelpunt.

Boerenwaark en gemaintewaark veur pabbe
moeke dut t hoesholden en verkocht blikjes paitereulie
- tachtig cent veur n blikje -

Kiener goan noar gerefermeerde schoul
gerefermeerde jongelingsverain
gerefermeerd muziekkorps
speulen mit gerefermeerde kiener
loater verkeern mit gerefermeerde jonges en wichter.

Zegt t olste wicht tegen t veendje, toun tien joar
moeke is ien hemel
t veendje haar heur doags doarveur nog zain
ien rooms katholiek zaikenhoes, ien Stad
nou laip hai veur swaade kaar mit swaade peerden.

Mit moeke ien kist
overaal kraansen en blommen.

Vaste rots van mien behold
gezang negenvaddig
veul troanen en snokken
want moeke was t laifste dat ze haren.

Joaren goan veurbie
t olste wicht krigt verkeern
mot traauwen
pabbe kwoad vanzulf
vent gaait t hoes oet, noar Amsterdam
verplegen ien
pabbe blift toes met jongste dochter.

Op station ien Grunnen
staarft pa - haartaanval -
runde te haard mit swoare kovvers.

Begroaven is n kolt kunstje
pabbe ligt tussen eerste vrouw
en moeke ien
kerkhof verbiend ien dood.

Kiener leven wieder
traauwen, schaiden,
kriegen kiener en klainkiener
goan noar boetenlaand
en kommen weerom.

Bezuiken pabbe en moeke op t kerkhof.

Dij liggen te wachten
tot wie ook kommen.

Kruusweg / Stad
juli twijdoezendzeuven.



| Bidstand | Swaart en jong | Ien daainst | Pabbe en moeke |

De Schriever
Noam: Harry van Velsen
Geboren: 1948 ien Kruusweg
Woont in: Stad
Schrift al: veur miezulf aal n tiedje bezig

Ik ben geboren ien Kruusweg en heb doar zo'n twinnig joar woont. Vandoar ben ik vertrokken noar Amsterdam, ien verplegen goan en begun 1980 weer noar Kruusweg verhoesd, want ik wér docent aan de HBO-V (verplegen) ien Stad.
Van 1991 tot 1996 waarkte ik ien Thailand, ontwikkelings- en vluchtelingenwaark.
Weerom ien Nederlaand heb ik n tied veur minnerjoarige asielzuikers waarkt en nou ben ik laidengevende zörg van n woonlocatie veur licht verstandelijk gehandicapten mit moeilijk gedrag ien Sappemeer.
Ik bin veur miezulf aal n tiedje bezig met Grunneger verhoaltjes oet mien jeugd en sums ook wel wat oet dizze tied.

Ie zain
Ook al binnen ie overaal al west, din nog kìnje bie Dideldom terechte.
Ie ook?
Ie schrieven ook in t Grunnegers en willen joen verhoaltjes hier ook wel zain loaten?
Kiek den even op de openingsbladziede en vul t formeliertje in.

Dideldom.comBiewaarkt: 17-04-2009Bezuikers: Grunnegers veur elk.