DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Wied
 
wijd

Gerhard Tuinema.

Verhoal.

| Potjegort | Lichtjes | De Gebroeders van Dam | Dreuge bonen |
| Honderd kwattjes | Héúr Kerstfeest! | Ol boer | Hoesslachten |


Ol Boer.

Ol boer, drij en n zeuventig joar, is al hail wat joaren wedeman en hai is t allain wezen meer dan zat!

En verdikke, hai slagt nog n jonk wiefke van negendaartig joar aan hoak. Hai komt glad weer in jonkmeulen en t lopt zo of dat zien wiefke alledeegs nog in verwachting komt!

Boer haildaal in de wolken, hai lopt aal doagen mit neus in lucht en vertelt overaal dat e pa wordt.

Mor zoveul te dichter as dag van bevalen dichterbie komt, zoveul te meer gaait keroazie bie hom der oet. De grode gebeurtenis zel thoes gebeuren en doar zicht e allervrezelelkst tegen aan. As n kou kaalven mout het e doar haildaal gain muite mit, mor dit is hail wat aans!

As t op n duur zo wied is gaait ol boer zo wied meugelk bie sloapkoamer vandoan en hai wait nait woar e t zuiken mout. t Is n zwoare bevalen en ol boer wordt aal zenuwachtiger.

Mor op n duur is alles toch achter de rug en gaait dokter op zuik om ol boer te feliciteren. Hai duurt dokter hoast nait te vroagen of e n zeun of n dochter kregen het, mor dokter is hom al veur.
"Jellema, ik kan u van harte gelukwensen. Alles is goed verlopen en u bent vader geworden van een gezonde tweeling!"

En din krááit ol boas t oet. "k Haar wel docht! Ik mag din nait zo jonk meer wezen, mor t schösstaintje is nog goud!"
"Dat mag wel waar zijn, zegt de dokter, maar die moet dan wel geveegd worden, want de kinderen zijn zwart!"


© Gerhard Tuinema

| Potjegort | Lichtjes | De Gebroeders van Dam | Dreuge bonen |
| Honderd kwattjes | Héúr Kerstfeest! | Ol boer | Hoesslachten |


De Schriever
Noam: Gerhard Tuinema
Geboren: 1923 Sibboern
Overleden: 17-2-2006 Stad

Gerhard Tuinema

Fré Schreiber over Gerhard Tuinema.

t Bokkeblad over Gerhard Tuinema.

Ie zain
Hou older hou gekker.

© 2000 - 2017 Dideldom.comBiewaarkt: 11-06-2015Bezuikers: Grunnegers veur elk.