DideldomDe Grunneger vlaageGrunnen's Laidtop
Zuiken op Dideldom:
t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Klaaier
 
kleren
n Woord zuiken:

Laive gedichies.

Grunnegers doun ook aan Valentijnsdag(?)

As ie zulf nait wat bedenken kennen veur joen laiverd...


Laive

Laive lipkes o zo zacht
k Was op slag verloren
k Haar zo laank al wacht

Laive oogjes o zo blaauw
Dij allend moar stroalden
Och laiverd kom toch gaauw

Valentijn
Veur mien laiverd

k Wil die op handen droagen
Doe bist mien laifste schat
Laifde geven zunder vroagen
Soamen op rais op t levenspad

k Wil die mien leven geven
Doe bist toch mien ideoal
Laifde bindt ons in dit leven
O, mien laive zunnestroal

Dag tot dag

Vanof t moment dat ik die zag,
docht ik doe heurst bie mie,
van dou of kwam der aal,
van dag tot dag n beetje laifde bie.

Valentijn 1
Haand

Geef mie dien haand
Geef mie d'aander ook der bie
En zeg mie den hail even
Dast doe nait kenst leven
Zunder mie

Laifste

k Heb die mien laifste
Mien laifste kozen
Oet aal dij ik kin
Zelst doe mien laifste
Mien laifste beloven
Van mie te hollen zoas ik bin

Valentijn 2
Diamantgeschitter

Nait aal in t leven
Is gold en glitter
Mor onze laifde is
As diamantgeschitter

Klaain

Ik heb veur die
n klaain gedichie
deelschreven
om die te zeggen
wat k veur die vuil
léés t mor
den wait ik wizze
dast doe waist
wat ěk beduil!

Valentijn 3
Laiverd

Doe bist mien laiverd dag noa dag
En ik hoop dat t altied zo blieven mag
Blief bie mie mien haile leven
Den zel ik die mien laifde geven

Valentijnsgrout

k Zai die lopen, smörgens
smiddags, elke dag
k Wil mit die doetjen
mor k wait dat dat nait mag
k Wol die dit groag zeggen
mor dat duur k nait zo goud
Doarom dizze stille Valentijnsgrout!

Gek op die

Ik bin gek op die worden
zunder dat ik t wol
neem mie nait kwoalek
dat ik van die hol.

Ik schreef dien noam

Ik schreef dien noam ien t wotter,
mor n golf spoulde hom vot.
ik schreef dien noam in de botter,
mor n mes hoalde hom vot.
ik schreef dien noam in mien haart,
en doar bleef e veur aaltied stoan.

Omreden

Smörgens kin k nait eten, omreden ik aan die dink.
Smiddags kin k nait eten, omreden ik aan die dink.
Soavends kin k nait eten, omreden ik aan die dink.
Snaachts kin k nait sloapen, omreden ik aan eten dink.


Laif nait?
Joa toch, redaksie het der slim heur best op doan.
Nog meer?
Meschien wel, volgend joar.
Woarom?
Omdat Valentijnsdag mor ainmoal in t joar is!

Valentijn 4

© 2000 - Dideldom.comBiewaarkt: 13-02-2012Bezuikers: Grunnegers veur elk.