DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Wat n plaze
 
wat een zeurkous

T. Hagedoorn.

Gedicht.


Van n hoeske aan de diek

n Hail old hoeske aan n gruine diek,
zo ainzoam en allain,
de wiede zee en soms n zaail,
aans is ter niks te zain

Doar woont n hail old menske in,
dei wil doar nait vandoan,
want op dei zee doar is heur schip
mit man en moes vergoan.

Heur man en baaide zeunen was
ze dou in ainmoal kwiet,
want wat e nemt, geft e nait weer,
dei zee, zo daip en wied.

Moar ieder moal as t mörn wordt,
din kikt ze over zee,
schudt moud'loos din mit kop en zegt:
"Ze komen nog nait.....néé."

En ieder moal, as t oavend wordt,
din zet ze laamp veur t glas,
ze kinnen din ofgoan op heur licht,
as t ais te duuster was-

Moar doagen komen, doagen goan,
ol Annoa blift allain...
"Maal Annoa" nuimen z'heur in t dörp
aans kin heur doar gain ain.

Mit daank aan L.H. Brouwer


© T. Hagedoorn

De Schriefster
Noam: T. Hagedoorn.
Geboren: 1865 te Garrelsweer
Overleden: 1947

Zai was onderwiezeres in Onderndaam en Spiekerboor bie Annerveen, tot 1915.
Heur eerste dichtbundel, Viooltjes, kwam in 1889 oet.
In 1922 heur boukje mit Grunneger Verskes.
Heur Levensspul kwam oet in 1932, n bundel verskes.

Ie ook?
Schrieven ie ook gedichten in t Grunnegs, en willen ie ze hier ook wel ploatsen?
Kiek den ais op de Openings bladziede en vul t formeliertje in.
Dideldom.comBiewaarkt: 04-04-2007Bezuikers: Grunnegers veur elk.