DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Dubbeld volden
 
dubbel vouwen, dubbel gevouwen

Marian Kant.

Gedichten.


Vlinders

Ik zai ze zweven, dij nuvere wichtjes
mit heur gutege gezichtjes.
Heur vleugels mit mooie kleuren,
ze kommen òf op de zummergeuren.
Ze doun wat ze mouten doun,
fladderen van bloum tot bloum.
Ze tovern in t zunnelicht
n lach op elk gezicht.
Mor woarom zeggen veul mensen din:
"Roepen kom der bie mie nait in."

Tevreden

Doezeleg lig k in t zaand.
Wat is der aan de haand?
Gedachten joagen deur mien kop
en wat schait ik der mit op.
Langzoam goa k mie overgeven
en wor ik hail tevreden.

Vrede

d'Ol man ston veur t roam
in zien ogen blonk n troan.
Hai zee tegen zien zeun:
"Doe haarst d'oarde mit n bezuik vereerd,
mor de mensen hebben nog nait veul leerd.
Ze kinnen nog aaltied nait in vree leven,
der schient aaltied onverdroagzoamhaid
en oorlog te mouten wezen."

Zien zeun zee: "Voader heb nog even geduld,
ik wait t, t is de mensen heur aigen schuld
mor over pak weg n poar doezend joar
begriepen de mensen mekoar.
Dat duurt veur d'oarde n aiveghaid,
wie stoan boeten de tied, veur ons nait,
mor der komt n dag
dat elk d'oarde in vree aanschaauwen mag."

Hail gewoon

n Hail gewone dag
n dag mit laifde, n tikkeltje verdrait
Mor juust deur dat gewone
zo hail biezunder

Zörgen

Ik mok mie zörgen
Helpt dat, gain zier
Verandert der wat, gain spier
Woarom dou ik dat din
t Het dus gain enkele zin

Ainzoam

Der is hoast gain mens te zain
Want k loop haaildal allain
Mor k vuil mie ontzettend blied
Veur mie bestaait ter even gain tied.

Mörn kom we mit nander bie mekoar.
Dat doun we aaltied n poar keer per joar.
Even gezelleg biekletsen goan.
Mor in mien ogen blinkt n troan.

t Is nait de stilte dij ik mis
Pas in de drokte wait ik wat ainzoamhaid is.


De Schriefster
Noam: Marian Kant.
Geboren: 1954
Woont in: Westerlij
Schrift al: Sunds 2007 in t Grunnegs...


Ik bin traauwd en heb vief kinder, al bin de mainsten al deur oet.
Over mien roereg gezin mag ik geern wat schrieven mor pas sunds twij joar dou ik dat in t grunnegs. Tot mien grote verrazzen gaait mie dat veul beter of dan in t nederlands. Dat komt vast omdat k aaltied denk in t grunnegs. Sunds verleden joar heb k ook mit doan aan de grunneger schriefwedstried.

Ie ook?
Schrieven ie ook gedichten in t Grunnegs, en willen ie ze hier ook wel ploatsen?
Kiek den ais op de Openings bladziede en vul t formeliertje in.

© 2000 - 2017 Dideldom.comBiewaarkt: 07-03-2016Bezuikers: Grunnegers veur elk.