| Menu |
 |
 
 
|
Jan Wubbe Kamies
Gedichten.
|
Onkruud
Tegen die is nait te strieden
t Kost mie uren wieden
En staaist der zo weer
Al wied ik wel 100 keer
Doe vergaist noeit
Doe moakst dat men knoeit en knoeit
Die kriegen ze de wereld noeit uut
Doe haitst den ook 'onkruud'.
|
|
Nait veur die
Ik krieg liefzeerte
Van begeerte
As k noar die kiek
Mor hest aan mie schiet
Ik krieg de kriewel
En kiek mor snel
Aander kaante op
Want ik wait ja wel
Dat ik te min bin
Mor ja
Tis nait aans
Ik moak ja
Noeit n kaans
Dien voader dij
Zörgt wel
Veur n goie pertij.
|
|
Machteloos
As n haandvol schaarpzaand,
Gleest mie vot,
En ik aan kaant,
Blief stil stoan, kepot,
En ik besef dat n dokter
Ook t noodlot
Nait kin ontwieken
En ook hai mot
Machteloos toukieken
Hij is ook mor ain mins
En ja gain God.
|
© Jan Wubbe Kamies
|
|
| De Schriever |
Noam: Jan Wubbe Kamies
Geboren:
Oet tied kommen: jannewoarie 2001
Jan Wubbe Kamies is mor 47 joar old worden, hai was kraantenbezörger op t Knoal.
As Jan allend was schreef e gedichten, dij kwammen veur n dag noa dat hai oet de tied kommen was.
|
| Ie ook? |
Ie schrieven ook gedichten in t Grunnings en willen dij hier ook wel zain loaten?
Kiek den even op de openingsbladziede en vul t formeliertje in.
|
|
|
