DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Ain opmontern
 
iemand opbeuren, opvrolijken

Heiko Dantuma.

Gedichten.


Wìnst van òl man

k Heb die in mien jeugd ongevroagd verloaten
k Heb der toan nait over willen proaten
k Heb t nou wel aan elk en ain waite loaten
k Heb die wis en woarachteg noit vergeten
k Heb die in mien dreumen noit vergeten.

t Is woarachteg wat woar ik mit geboren bin
t Is de pien dij ik wizze nait hoaten kin
t Is de winst dij mie vaast nait verloaten kin
t Is de laifde dij mie nou ja proaten let
t Is dudelk dat elk en ain t nou heuren mout.

k Wait t Delfziel doe hest mie nait verloaten
k Wait t Delfziel ik kin aal nait mit die proaten
k Wait t Delfziel dat ik die noeit zel hoaten
k Wait t Delfziel k blief ja mor aal over die proaten
k Wait t Delfziel wie kinnen mekoar noeit verloaten.

Gedachten

As ik denk aan mien jeugd
aan dij tied van hail veul vreugd
din kin ik doar nau nog van dreumen.
Der was ook veul verdrait mor doar
wil ik niks meer van waiten
dij bin ik dan ook glad vergeten.
Wel kin ze nait, dij vreugde en verdrait
dij bliede lach of dij haide troanen.
Want t goie blift jou altied bie
en zel joe noeit verloaten
t verdrait en zien haide troanen bin vot
want dij hadden gain reden tot bestoan.


De Schriever
Noam: Heiko Dantuma
Geboren: 11-02-1932
Woont in: n Hoag
Schrift al:

Heiko Dantuma, geboren as Heiko Mulder op ut Commandementsplein 16 te Delfziel is ain neef van Ab Detmers en woont sunds 1946 in n Hoag. Schrift zo nou en dan. Dut sins 1977 aan genealogie noar de noamen Dantuma, Mulder, Detmers, Borg, Pas en Zandinga.

Ie ook?
Ie schrieven ook gedichten in t Grunnegs en willen dij hier ook wel zain loaten?
Kiek den even op de openingsbladziede en vul t formeliertje in.

© 2000 - Dideldom.comBiewaarkt: 19-04-2010Bezuikers: Grunnegers veur elk.