DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Verinneweren
 
vernielen

Evert Diekhoes.

Evert zien Limericks.


Stainmot

n Lutje stainmot in Stad
zat overdag in n duuster gat
snachts kwam e veur n dag
keek of der nog wat lag.
en of hai der wat aan had.

Laimeneerstiekje

Ain laimeneerstiekje in Middelsom
las limericks op Dideldom
zulf ston hai der nait bie
hai zee 'dat begroot mie'
nou gaait dizze limerick over hom.

Hoaze

Ain Kloosterholtjer hoaze
Dij haar last van kolle koaze
Hai zee tegen eend Waggel
Ik kroep bie de kaggel
Anders trekt t mie nog op de bloaze.

Moeskes

Ain moudermoes oet Lutje Hoeskes
Het n hail nust vol jonge moeskes
Zai hemmeld heur goud
Wat zai ook wel mout
Anders kriegen ze moezeloeskes.

Noastdepotpisser

Ain noastdepotpisser van t Knoal
Ging mit zien buurvraauw aan de hoal
Mor dat ging goud mis
Want wat zai nog nait wis
Onder zien toupet was hai koal.

Knien

In Weende woonde n knien
Dij wol schaaiden van zien Trien
Mor zai wol dat nait
En tot heur verdrait
Stak hai zien kop in n rudermesien.

Beer

Der was ains n beer op Taange
Dij was veur motten doodsbaange
Zien waark dee hai nait
Tot boer zien verdrait
Zien 'dinges' hangt nou in de gaange.

Handeloar

Op de Zandbaarge woont n handeloar
Dij handeld, op zok zulf nait roar
Mor aal wat hai verkocht
Dat haar je nait docht
"Mout aaltied geld bie", zegt hai, "eerlieks woar".

Krikhoantje

Ain klain krikhoantje oet Zanneweer
Dij was zo hoaneg, aaldoage weer
Mor mit t klimmen van de joaren
Kwam hai tot bedoaren
Nou huift t veur hom nait zo meer.

Zwoan

In Heubultjeburen woonde n zwoan
Dij was gek op levertroan
Zai dronk t mit smoak
En doarom veuls te voak
Noa n overdosis was t mit zwoan doan.

Boer

Der was ais n boer in Schaarmer
Dij kreeg t hier aal aarmer
Hai ging noar Canada emigreren
En Engelse toal leren
Noa n poar joar was hai doar faarmer.

Poelepetoater

Ain poelepetoater op Trips
Dij zegt tegen zien kont van bips
Hai het t hoog in de kop
Was al loos net oet dop
Men zegt hai het gain hazzens mor chips.

Tellerlikker

In Sodom hebben ze n tellerlikker
Dij gruit gain gram, wordt ook nait dikker
Mit zien hondje is t al net geliek
Vret gain hap, wordt toch gain liek
Zai binnen ja baide mokt deur n beeldenbikker.

Poedel

Ain Koningspoedel in Spiek
Dij was de koning te riek
Al haar hai ook gain laand
Toch kon hai speulen in t zaand
t Haile aarf was ja zien koninkriek.

Lolboksem

Ain lolboksem in Oetwier
Dat was n allernoaste klier
Want zo as dat voak gait
Ain zien lol is anders verdrait
Mor zo'n lolboksem dut dat gain zier.

Törreldoefkes

Twij törreldoefkes in Sloaperstil
Dij wonen in n hail mooie til
Zai hebben zelden verdrait
En dat huift ook ja nait
Elk ken mor törreln zo veul as e wil.

Bakker

Ain bakker oet Luukswolle
Dij ken mor min tegen de kolle
Veur d oven het hai gain last
Mor bie t venten zain ie hom vast
Mit n pedde op, t is al n hail olle.

 



De Schriever
Noam: Evert Diekhoes.
Geboren: 12 april 1938
Woont in: Westerwolde
Schrift al: sunds juli 1997


Ie ook?
Schrieven ie ook limericks in t Grunnegers, en willen ie dij limericks ook wel op dit webstee zain loaten?
Kiek den ais op de Openings bladziede en vul t formeliertje in.

Gain rekloame?
Nee, mor dat ken nog wel kommen, nait om der geld mit te verdainen, mor om de kosten te drukken.

© 2000 - Dideldom.comBiewaarkt: 30-05-2013Bezuikers: Grunnegers veur elk.