DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Dodderg
 
traag, suf

Bonnie Smalbil-Stikfort.

Gedichten.


Haarstdag

De leste zunnestroalen
van ain mooie haarstdag.
Zai teuvern op mien gezicht ain glimlach.
De zunne schient deur t dreuge holt
en kleurt de leste bloaren gold.
Ain vogel zingt zien leste laid,
ik luuster stil, vuil gain verdrait.
Straks staait de winter veur de deur
en wit is ook ain mooie kleur.

Störm...

Wind en wotter,störm en regen.
Doe wast noeit baang, doe konst der tegen.
Mor dou dij grode donk're wolke kwam
en die het zicht op beter weer ontnam,
kroop ook de angst bie die noar binnen
en het waiten; van dizze störm is nait te winnen.

Meert 2006
Schreven dou wie wizzen dat mien bruier nait weer beter worden zol van n slimme zaikte.

De golden droad

De dunne droad dij die aan t leven bindt
wuir zichtboar as ain golden droad.
In dien aarms dien pasgeboren klainkind
en bie de deure dien olle moeke dij
stillechies in heur rolstoule votgait.
Doe keekst mie aan, mit in dien aarms het klaine kind.
Zagst doe dou ook de golden droad dij ons verbindt?

05-02-2006
Dit gedichie heb ik schreven dou wie wizzen dat mien bruier nait weer beter worden zol van n slimme zaikte.

Verdroagzoamhaid

Vandoag, mörgen,
zunder zörgen?
Heden, verleden
toukomst, tied
hoat en nied
hail veul vroagen
leren verdroagen!


De Schriefster
Noam: Bonnie Smalbil-Stikfort.
Geboren: 8-6-1938 op Knoal
Woont in: op Knoal
Schrift al: al joaren.

Bin traauwd mit Jaap en wie hebben twij traude dochters. Wie binnen in t rieke bezit van 6 klainkinder.
Ik mag geern verhoaltjes vertellen aan mien twij jongste klainkinder. Zai proaten Hollands mor ik lees ze veur uut Nansie de koakelhenne, en zai snapptn t ook nog. Het is aal weer n zetje leden dat ik es n moal mitdoan heb aan n schriefwedstried van de Grunniger Sproak. Dat het mie gain pries opleverd mor wel n schier boukje woar mien verhoal in ofdrukt ston. Veur poar joar leden, toun mien bruier uut tied kommen is, heb ik gedichies schreven, in t Nederlands. Doar heb ik n boukie van moaken loaten veur femilie en vrunden.

Ie ook?
Schrieven ie ook gedichten in t Grunnegs, en willen ie ze hier ook wel ploatsen?
Kiek den ais op de Openings bladziede en vul t formeliertje in.

© 2000 - Dideldom.comBiewaarkt: 22-04-2013Bezuikers: Grunnegers veur elk.