DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Woar
 
waar

Abel Tempel.

Verhoal.

| | | | |


Joaren leden, woar gebeurd

Het was in t lèste van de joaren '30, dat boer B. van Harpel mit de fietse op raais was noar Vlagtwedde, halfweg de Boerweg stun n stukje van de weg òf, aan de rechterkaante n oal hoeske, t was n groot arbaaiders hoes, dij wuir bewoont deur de fam. N.

Luu hadden t nich braid, en tot overmoat van ramp was t hoeske verkocht, en zol d'r nije boerderij op bouwd worden. De fam. N. mus man zain dat ze anders woaraargens underdak kregen, en dat was d'r nich.

Toun boer B. doar in de buurt was dochde hai: wat binnen ze doar bezeg, doar zitten mensen op t dak en moaken de pannen d'r òf, dat kan toch nich, hai der hén, en doar zat vrouw N. in de koamer te schraaien, nog n ogenblik en zai zat under de blote hemel, wat n ellende!

Boer B. bedochde zuch nich, keerde de fietse, en ging noar hoes um peerden en n kôrre te hoalen woar hai hail vlót mit bie t hoekje was.
Hai gong aal t hoesroad, och dr was nich zoveul, op de kôrre loaden.
t Lèste ging vrouw N. mit n poar lutje kinder der op. En doar ging t hén, over d'Harpel deur t Weenderveld, en zo noar Jipsenboertaange, hai wus dat t meestershoes bie de school onbewoond was, en doar aangekomen hef hai t hoes kroakt en de familie Nuus mit hur haile hebben en hollen in t hoeske installeert, vrouw N. was hail bliede dat zai weer underdak hadden.

Zai mouten dr n poar joar woont hebben, toun wur heur van de gemaainte n aander hoes aanwezen, en hebben nog joaren op Jipsenboertaange woont, dank zij boer B.

Noamen in dit verhoal binnen nait voloet schreven, mor wel bekend bie de schriever.


© Abel Tempel

| | | | |

De Schriever
Noam: Abel Tempel
Geboren: 8 feb 1927
Oet de tied kommen: 28-12-2012
Schrift al: joaren...

Dee mit aan Grunneger schriefwedstrieden en was aan d'loop mit biebelOmtoalen in t Grunnegs.

Ie zain
Dideldom hef zien schrievers overaal, zulfs dichtbie...
Ie nait?
Ie wonen nait in Grunnen mor schrieven wel (ais) in t Grunnegers en willen joen verhoaltjes hier ook wel zain loaten?
Kiek den even op de openingsbladziede en vul t formeliertje in.
© 2000 - Dideldom.comBiewaarkt: 14-01-2013Bezuikers: Grunnegers veur elk.