![]() | ![]() | ![]() ![]() | t Is mor n noam |
|
Yvonne van der Baan.Verhoal.Dij strenge winters Vandoag ist 17 dezember. In t paark zag ik net n sangenblaauwe bloum bluien dij je aans allain in zummer zain. Van dij oetbundege zummerbluiers, terwiel t notabene dezémber is! Suntniekloas is al west en t is sikkom Kerst, mor boeten liekt t sikkom wel veujoar. Nuimen ze dat nou klimoatveraandern? Het mot toch nait gekker worden mit dat weer! Geef mie de winters van vrouger mor. Wakker worden mit de schittern van iesbloumen op de roamen. Din dook je, mit joen kòle neus, nog evenpies wat wieder onder dekens veurdat je joe joen bêrre oet woagden. Ik kathaalzde din altied om mien Vraise deurlopers, dij liedzoam lagen te wachten in schuur, oet t vet te hoalen. Al kreeg je verkleumde vingers van t onderbinden, ik mocht t geern doun. Mien pa haar hockeyscheuvels, woar hai schiere krullen mit draaien kon. Hai kon ook heul best achteroet scheuveln. Mien moeke woagde zuk noeit op t ies. Zie haar as kind noeit scheuveln leert, omdat ze in de tropen opgruit was. Zai plakde zulfs plaaisters onder heur schounen om ze stroef te moaken, zodat ze boeten nait zo gaauw oetglieden zol. Om de tieden van alle scheuvellopers bie te holden haren mien pa en ik n liest mit alle noamen d'r op. Doar schreven wie de behoalde tieden achter. Om ze aan te moudegen zongen wie: As d'r n Elfstedentocht kwam, was t hailendaal feest. Dij van 1963 was de slimste: n barre rit mit bittere kòle. Reinier Paping wur n held. Mor ik wur mit nog meer moois verrast: ik kreeg de kunstscheuvels van mien oma's buurwichtje. t Verhoal 'Dij strenge winters' komt oet veurlees- en activiteitenbundel 'Ik weet nog goed..' van oetgeverij SWP, auteur Joke de Jonge, mit roem 100 foto's, en taikende illustroaties van Juliette de Wit. De Grunneger omtoalen dervan is van de hand van Yvonne van der Baan. De verhoalen in t bouk binnen bestemd om veur te lezen aan mensen met begunnende dementie. Meer infermoatsie derover staait op: www.swpbook.com/1916 Ploatst: 29 jannewoarie 2018 |
|
© 2000 - 2022 Dideldom.com | Biewaarkt: 10-05-2020 | Grunnegers veur elk. |