DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Gommesdoagen!
 
uitroep van verbazing

Truus Engels

Gedichten.


Ode aan Westerwolde

Westerwolde, hou ken dat toch
Dat ik zo wensteg bin noar die
Noar aal dij mooie plekjes dij doe hest
Mor ja, dat heurt aan n aander, nait meer aan mie.

Ik ging ja vot, doch dat k beter kriegen kon
mor t was bedrog en ik was vrees'lijk dom
Dij aander streek, t leek mooi, har zoveul kansen
t Vol tegen, och kon ik mor weerom.

Westerwol, dien bouwlaand, koien en nait te vergeten
De haarde waarkers, eerlek volk, zuver as gold
k Haar bie die blieven mouten, bedenk ik mie
k Bin vast de ainegste dij zo gloepens veul van die holdt.

Ploatst 19 jannewoarie 2020

Goud wakker

"d Ooievoar hèt die vannacht
n zuske brocht."

"Das mooi" zegt t jonkje,
"Mor op dij vogel heb ie
joe verkeken moe...

t Is ja nog mor
dezember en ik
las guster in d kraant:
de eerste ooievoar is
op zien vrougst in
feberwoarie in t laand!"

Ploatst 1 dezember 2019

Goud - Nait Goud

Tou achterdeur oet
Tou achterdeur weer in
Den gaait ons krek noar t zin...

Moar tou veurdeur oet
En nait er weer in
Den ist ja aibels min!!

Ploatst 22 jannewoarie 2018

Dreumen binnen bedrog

Ik wol elk schepsel het beste wensen
Ik wil het goie veur elkain
Gain zaikte, gain verdrait of piene
Moar het mooie wil ik zo geern zain.

Ik wil gain stried of oorlog meer
Ik wil allain moar vree en zun
Vluchtelingen dei mozzen nait bestoan
Vrijhaid! Dat ist wat ik de mensen gun.

Ik wil nog zoveul meer, kon ik moar tovern
Ik dee mien best, gebruukte al mien krachten
Moar 'k wor net wakker en zeg tegen miezulf
Doe most er nog moar even op wachten.

Ploatst 11 dezember 2017

Boemerang

Hebben ie dat ook wel ains lu
Dat alles in t leven slim grauw is en gries
Den heb ik veur joe n goie road
Het kost echt nait veul en t is aaltied pries.

Tel de zunnege dingen ains ain veur ain, op
Ik wed: hail veul moois kom je den tegen
Ie mouten der beslist wel voor open stoan
Den wor je onder t tellen al, hail slim verlegen.

Moar eerliek is eerliek: het wil nait aaltied lukken
Want dit of dat dut n mens onnuimelk veul zeer
Perbaier ains om zulf wat zunne te streuen
Ie begriepen mie vast wel: dou t moar 'n keer.

Er is een spreuk, dat gait over laifde
Streu dat leste ains rond, en zeker noa n tied
Komt aal dat streugoud bie joe zulf ook weerom
Kiek lu, dat allain moakt n mens werkeliek blied.

Ploatst 9 oktober 2017


De Schriefster
Noam: Truus Engels
Geboren: 1935 in Vraiskelo
Woont in: Sapmeer
Schrift al:

Ik waarkte in mien jonge joaren op t gemaintehoes in Bennewolle. Ainglieks heb ik nog nooit wat in t Grunnings schreven, wel heb ik 21 joar de grafische bewaarken doan van ons kerkblad en wat versloagen schreven over biezundere gebeurtenissen omtrent t kerkgebeuren.
Vrouger op de middelboare school mog ik geern opstellen moaken en ik haar aaltied n achte.

Ie ook?
Schrieven ie ook gedichten in t Grunnegs, en willen ie ze hier ook wel ploatsen?
Kiek den aains op de Openings bladziede en vul t formeliertje in.
© 2000 - 2020 Dideldom.comBiewaarkt: 19-01-2020Grunnegers veur elk.