DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Dat hevve kregen
 
dat hebben wij gekregen

Legenden.


Rudolph Agricola. (Roelof Huisman)

Rudolph Agricola
Rudolph Agricola
Geboren in Bavvelt, in 1444.

Humanist.
Zien voader was Hendrik Vries, mor zien moeke traauwde nait mit zien voader.
Rudolph Agricola studaaierde vanof 1456 in Erfurt (D), Keulen (D), Leuven (B) en Pavia (I). Hai promoveerde in Ferrara (I), doar huil hai in 1476 n tousproak woar nog laank over proat wuir.
Zien oplaaiden wuir veur n dail betoald deur de bisschop van Münster.

In 1479 kwam Agricola weerom noar Nederland.
Van 1480 tot 1484 was e siktoares van stad Grunnen.

Agricola speulde meroakel floit en waarkde mit aan örgelbaauw.
t Örgel in Martinikerk in Stad is mit deur hom moakt.

t Standbeeld van Rudolph Agricola in Bavvelt
t Standbeeld van Rudolph Agricola in Bavvelt.

Mit vraauwlu haar e nait recht veul gelok, dou e siktoares van Stad was haar e scharrelderij mit n wicht dij, dou Rudolph aan raais was noar Heidelberg, mit n aander traauwde.
Agricola schreef: 'Mor nou wait ik wat ontraauw betaikent'.
Loater zee e ais dat e 'zokzulf nait geschikt von veur t huwelijk, hoezelke beslommeringen wazzen niks veur hom'.

Rudoph haar n haalfbruier dij nait recht om liek wol, hai gong der vandeur mit geld woar zien voader op pazen mos.
Dou e gewoar wuir dat Rudolph noar Heidelberg goan zol, gong hai doar vot hén om perfiet te trekken van zien bruiers foam.
Rudolph muik dou rad dat e in Heidelberg kwam, om te veurkommen dat zien haalfbruier hom n slechte noam bezörgen zol.

In Heidelberg wol hai Hebreeuws leren. Hai wol n nije biebelvertoalen moaken, moar doar is hai nait meer aan tou kommen.

Zien aander haalfbruier, Joannes, dij beter op t lieke pad bleef, wuir roadsman van groaf Edzard van Oost Vraislaand.

Noa n bezuik aan Rome, woar n nije paus aansteld wuir (Paus Innocentius VIII), is Rudolph Agricola in 1485 in Heidelberg oet tied kommen deur n leverkwoal.

Agricola zee ais dat 'Grunnegers haalf boers en stug wazzen en hailendaal nait geschikt om om te goan mit beschoafde geesten'.



Legenden
De stukkies op dizze bladzieden goan over mensen dij deur heur doaden of misdoaden n ploats kregen hebben in de Grunneger geschiedenis.

Veurbeeld?
Dij lu dij goie dingen doan hebben mag je as veurbeeld nemen, dij slechte dingen doan hebben laiver nait.

Aanvullens?
As ie opmaarkens, aanmaarkens of aanvullens hebben den heur wie dat groag van joe.
Op de openingsbladziede staait n formeliertje woar je dat even inzetten kennen.

Dideldom.comBiewaarkt: 04-04-2007Bezuikers: Grunnegers veur elk.