![]() | ![]() | ![]() ![]() | t Is mor n noam |
|
Klaas van Zonneveld.Verhoal.Haiti! "Joa, dat liekt mie wel wat, mor hou stelst die dat veur den?" Mien doofhaid speulde mie weer ais paarten, dou moeke veurstelde om n haai-tie te doun mit mien 79e joardag... Zai ging onlangs deur t knije en zag aarg op tegen de kommende drokte. Begriepelk. d Haile dag in t enne en s oavends nait sloapen van aal dij drokte! "Loat dien oren toch ais oetspoiten! En goa den ditkeer mor noar de brandweer! Ik denk nait an n vekaansie mor an dien joardag! n Haai-tie! In Mewoll bie Simone, waist ja wel... woar ik van t veurjoar mit wichter west bin!" t Feit, da k mien kovvie en tebak nait missen huifde was al n zegen! Dou ons dochter en schoonzeun de stap muiken om krisiskinder op te vangen, haar k doar wel n beetje mien bedenkens bie, mor dou k mit aigen ogen zag, hou dij bie heur weer op verhoal kwamen, was k ain en aal trots! Onveurstelboar houveul pech dat je bie joen geboorte al hebben kinnen!! Bie aankomst wuiren wie al welkom haiten via n bord boven d ingang: 'Welkom Familie Zonneveld'. Vuilde waarm aan! De vraauw van de oetboater dee doar nog n schepke bovenop en gaf oetleg hou ain en aander waarkte. Der zol hail wat lekkers opdaind worden en t wotter laip mie al in mond. Manluu wazzen t dik mit vraauluu ains: 'Beter kon t nait!' "Aandermoal mor weer", was mien antwoord, dou moeke vroug: "Hou vondst?" "Is mie goud heur. Doe hest goie ideeen!" En k gaf heur n ekstroa smokje veur wie sloapen gingen. "k Haar t aans braid noar zin in Taiti!" sputterde ik noa... "k Huif nait aans!" Ploatst: 14 november 2016 ![]() |
|
© 2000 - 2021 Dideldom.com | Biewaarkt: 13-05-2019 | Grunnegers veur elk. |