DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Dij is pijger
 
die is dood

Ids Vlieg.

Gedichten


Roggenbrood

Van roggenbrood worden wie staark,
roggenbrood is veur t swoare waark.
Mit keese, aaier of mit stroop,
doar blief je van aan de loop.

Roggenbrood in t zulverpepier,
jongens, wichter kom es hier!
Eet laiver roggenbrood dan te snoepen,
want je kin d'r roazend goud van poepen.

Van zo'n broen stukkie stevig brood
wordt n klaaintje zo mor groot.
De bakker gaait vroug uut zien nust,
omdat elk en aine t zo geern lust.

Mit roggenbrood in de moage
redden wie t wel vandoage.
Roggenbrood, ik hef mien hoge houd,
doe gefst mie altied weer nije moud.

Krummels

In mien pyama zat ik bie te kommen,
en wat ik doun mout vandoage op te sommen.
Ik mag noatuurlek niks vergeten,
mor eerst n poar koppies thee en wat te eten.

Twij kwassantjes heb ik had,
meelkoekies, n stuk of wat,
ain beschuut mit sjèm, hm lekker
plus nog ain volkorenkrekker.

En toun ik wol goan stoan
kwammen de krummels overaal vandoan.
Ut mien snorre en mien kruus,
rond mien navvel en deur t haalve huus.

Tussen de tonen en op mien stoule,
man man, wat ain boudel.
Dat har ik ja noeit en te nimmer docht,
gelokkeg har k mie net ain krummeldaiffie kocht!

Mit dit gedicht het Ids de eerste pries van 22e Pervinzioale Schriefwedstried 2018 wonnen!


De Schriever
Noam: Ids Vlieg
Geboren: 1951 in Veendam
Woont in: Wedde
Schrift al:

Ik proat mien haile leven grunnings, moar schrieven kin ik t nait goud. Ik schrief t teveul zo as ik het zeg. Toch perbaaier ik wel es wat met hulp van dizze en dij. Ik mok 'riemseltjes' as tiedverdrief. 'Gedichten' vin ik n te groot woord. Mor ik heb der oardeghaid aan. Maistal in t Nederlands, moar ook wel in t Grunnegs.
Ik hol nait van swoarwichtig gedou. Veurwoarde aine is veur mie dat het mot riemen. Dat litteraire gedou zegt mie niks.
Ie ook?
Ie schrieven ook gedichten in t Grunnegs en willen dij hier ook wel zain loaten?
Kiek den even op de openingsbladziede en vul t formeliertje in.

© 2000 - 2018 Dideldom.comBiewaarkt: 22-04-2018 - Grunnegers veur elk.