DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Mit ains
 
mee eens

Harm D. Guikema.

Gedichten.


Vis u veel

d'r kropt n widde haai
over vismaarkt
dij liekt n beetje of
nogaal ien de waar
t baist hikt, snoeft en hapt
n beste bek vol vis
en n hap oet mien kaar
doe liekst mie oardeg ien de waar
biet moar n hap oet buurmans kaar
en hou wolst doe betoalen?

n grode bek met schaarpe tanden
"kom straks nog moar
n visje hoalen."

Aigenwies

Wilst altied
waiten loaten
das der bist,
din hest aal hail wat
wieshaid mist

Op t loug

t is nog vroug
bie ons op t loug
moar veur kroug
was t loat
vannacht op t loug.

k heb nog mit kregen
dat klokke vare sloug
deur de stilte
van ons loug.

nog gain boer mit ploug
mit peerd d'r veur
zoas aaaltied ien t veurjoar
aal vroug bie ons deur t loug.

t waas aal zes moal
dat klokke sloug
en ons moeke aan mie vroug
is t aalweer zo loat
bie ons op t loug?

Diezain

Diezain?
Most mie zain!

Kleuren

Beter rooie wangen
din n blaauwe neuze

Publieke vraauw

Wilst doe mie beminnen,
din most eerst even pinnen

Zuik moar uut

Ons winkeltje mout dicht
der is gain jong
der is gain wicht
noa zoveul lange joaren
ons winkeltje
ons winkeltje ...mout dicht.

Prieskoartje

Aan kienders
dij noeit
de goie weg vonden hebben
hangt n hail apaart prieskoartje

Goud mit de buren

Bin je goud
mit joen buren
din huif je
nait te gluren


De Schriever
Noam: Harm D. Guikema
Geboren:
Woont in: Stad
Schrift al:

Ik schrief ien zo goud meugelk Grunnings, spreuken enz. in mien bundeltje, van holtjes tot klapscheuvel, stoan der zo'n 50 stuks.

Ie ook?
Ie schrieven ook gedichten in t Grunnegs en willen dij hier ook wel zain loaten?
Kiek den even op de openingsbladziede en vul t formeliertje in.

© 2000 - Dideldom.comBiewaarkt: 25-04-2011Bezuikers: Grunnegers veur elk.