DideldomDe Grunneger vlaageGrunnen's Laidtop t Is mor n noam
Menu

BienoamenStip

Foto'sStip

GastenboukStip

GedichtenStip

LaidjesStip

LegendenStip

MopkesStip

NijsStip

ReactieStip

ReseptenStip

SchrieversStip

VerbindensStip

VerhoalenStip

ThoesbladStip


Wat is.
Schrieverij
 
het geschrevene

Albert Oost.

Verhoal.

| | | |


Kört verhoal

Het was ain ieslek kôlle dag in feberwoarie.
Pa, moe en Paiter zaten swiegend aan keukentoavel stampot mous te eten.
Der werd noeit veul proat in hoes.

Toun t eten doan was, veegde Paiter mit rugge van d haand zien mond ôf en ston op.
Hai gaf zien moeke n smok en zee dat t weer goud smoakt haar.
Hai trok zien jaaze aan, zette zien pette op de kop, ruip dat hai nog even wat opzuiken mos en luip deure oet de deel op.

Op de kop òf tien joar loater stapte hai de keuken weer in.
"Moi", zee e, en ging aan toavel zitten.
Moeke zette n bord veur hom hîn en vruig, "Hest t vonden?"
"Nee", zee Paiter.
"Den most mörn mor wieder zuiken", zee ze, "eerst eten", en ze schepte hom n dikke bord vol mous op.



| | | |

De Schriever
Noam: Albert Oost
Geboren: Winschoot, 1952
Woont in: Andiek
Schrift al:

Mien pa waarkte hail vrouger bie bakker Drent aan de Laange Stroat en loater bie koekje Bouman op maarktplain. In 1961 binnen wie noar Dieren verhoesd, pa was dus wat ze nou zeggen zollen ain aarbaidsimmmigrant. Mor wie binn aaltied n Grunnegs gezin bleven. Ook nou pa en moe al weer joaren oet tied binnen, en wie al weer dik vatteg joar in de Kop van Noord Holland wonen, proat en schrief ik nog altied Grunnegs mit mien bruier oet Warnsveld en mien zuster oet Epe. Wie schrieven zoas ie t ook oetspreken. Al dik datteg joar goan wie mit ons drijen noar de Adrillen. t Liekt mie schier om zo nou en den wat schiefsels in te sturen.

Ie ook?
Ie schrieven ook wel (ais) in t Grunnings en willen joen verhoaltjes hier ook wel zain loaten?
Kiek den even op de openingsbladziede en vul t formeliertje in.
© 2000 - 2019 Dideldom.comBiewaarkt: 31-12-2018 - Grunnegers veur elk.